लायब्ररीच्या त्या कप्प्यातून
अजूनही डोकावतात काही पुस्तकं,
दारावरच्या प्रत्येक चाहुलीला
तुझी पावलं समजून
हळूच सावरतात स्वतःला...
.
त्यांच्या पानांत अजूनही
तुझ्या बालपणाचा गंध आहे,
कुठे पेन्सिलीची पुसट रेघ आहे,
कुठे दुमडलेला एखादा कोपरा आहे,
तर कुठे अर्धवट राहिलेलं
तुझंच एखादं स्वप्न आहे.
.
कधीकाळी
तुझ्या डोळ्यांतून उजाडायची
त्यांच्या अक्षरांची सकाळ,
आणि तुझ्या बोटां…